Plantun de Prouvènço

Pèr coumpara dos planto d'encò nostre

Polygonum aviculare & Cycloloma atriplicifolium

Lengo-de-passeroun

Polygonum aviculare

Polygonaceae

Àutri noum : Tirasso, Tirasseto-de-camin, Sanguino, Erbo-nousado, Trenco-taio.

Noms en français : Renouée des oiseaux, Traînasse.

Descripcioun :
La lengo-de-passeroun es uno planto coumuno que trachis dins li champ, ermas e pelouso. Pòu èstre siegue drecho, siegue pòu rebala, tirassa au sòu. Fai de pichòti flour mistoulino blanco o roso. La taio di fueio èi proun chanjadisso segound li relarg (fotò).

Usanço :
Es uno planto manjadisso, mai coume pèr tóuti li Polygonaceae, caup d'acide óussali e n'en fau pas trop prendre. Ei couneigudo pèr ajuda au caiamen dóu sang, lucha contro l'inflamacioun, lou mau de garganto, lou tussi, la cagagno...

Port : Erbo
Taio : 5 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Polygonum
Famiho : Polygonaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Escoumbre e proche dis oustau - Colo
Estànci : Termoumediterran à Aupen
Couroulougi : Cousmoupoulito
Ref. sc. : Polygonum aviculare L., 1753

Ciclolomo

Cycloloma atriplicifolium

Amaranthaceae Chenopodiaceae

Nom en français : Cycloloma à feuilles d'arroche.

Descripcioun :
Planto de l'an, forço raro au nostre, que trachis dins la sablo e li duno. La ciclolomo èi proun ramificado emé uno cambo en zigue-zague cuberto de péu en aragno. Li fueio, poupouso, dounon d'èr à-n-aquéli de l'armòu-fèr. Li flour soun en espigo e caduno caup 5 tepalo emé d'alo sóudado que vènon vióuleto.

Usanço :
La ciclolomo nous vèn d'Americo de l'uba. Lis indian Zuni (fotò) e Hopi (Pople Pueblò dóu Nouvèu-Messique) acampon li grano e emé la farino, mesclado à la de gros-blad, n'en fan de bouiaco e de sucrarié cuecho à la vapour.